HINDI maikakaila ang saya na mababakas sa mga tauhan nila sa malaking mansiyon sa Los Angeles, California nang makita ang pagbabalik nila sa mansiyon. Lalo na nang makita ng mga iyon si Khai.
Idagdag pa ang kaalaman na mananatili sila roon nang matagal na lalong nagpasaya at nagpabuhay sa lugar na iyon.
“Mama, Papa, dito muna tayo mag-stay,” ani Karizza nang puntahan niya ang kaniyang mga magulang sa magiging silid ng mga ito habang naroon sila. Malawak iyon. May sarili ring walk-in closet. “Sana, masanay rin po kayo.”
Hinawakan ni Mama Sol ang kaniyang isang kamay. “Anak, para sa iyo, mag-a-adjust na rin kami ng Papa mo.”
Gumuhit ang ngiti sa kaniyang labi. “Salamat po. Papa,” baling niya sa kaniyang ama. “Masaya ako na makasama kayo ni Mama sa lugar na ito. Sigurado akong mawawala na
