HUMINGA nang malalim si Tyrah. Hindi pala biro ang magbuntis ng kambal. Heto at kaunting lakad lang ay hinahapo na kaagad ang kaniyang pakiramdam. Para bang ang dali-dali niyang mapagod.
Lalo na ngayon na isang buwan na lamang at kabuwanan na niya.
Isa sa ikinaiinis niya, iyong bahagya niyang pagdagdag ng timbang. Hindi niya alam kung talaga bang maganda pa siya sa paningin ni Ravano o napipilitan na lamang itong sabihin na maganda siya.
Dahil buntis siya, bigla, ang dami niyang insecurities sa kaniyang sarili.
Sa lumipas na maraming buwan, nag-focus siya sa mga sanggol na nasa sinapupunan niya.
Hindi naman siya nagtatakaw nang sobra ngunit hayon, dahil sa kaniyang pagbubuntis ay nadadagdagan pa rin ang kaniyang timbang.
Kasalukuyang nagsusuklay si Tyrah nang dumulas sa kaniyang kama
