Kabanata 44
“SIGURADO ka bang ihahatid mo ito sa eskwelahan?” Iyon ang malumanay na tanong ni Ely kay Helios habang hawak nito ang illustration board na ginawa ni Ammiry bago naaksidente.
“Opo. Nangako po ako sa kanya na ihahatid ko ito sa teacher niya. E, binibida raw po niya ang Papa niya.”
“Nakakahiya man pero masaya siya. Naobliga ka pa tuloy na gawin ito.”
“Wala pong problema, lola Ely. Papunta na rin po ako sa office pagkahatid ko.”
“Sige. Ako naman ay pupunta sa ospital para samahan ang mag-ina.”
“Babalik po ako dun mamayang gabi.”
Kinuha niya sa matanda ang illustration board at saka umalis na rin para ihatid iyon sa eskwelahan.
Nang makasakay si Helios sa sasakyan ay saglit niyang tiningnan ang family tree. Wala roon nakalagay na ibang litrato. Kay Ely lang, sa isang matan
