Nadaanan nina Kapitan ang mga sundalong abala sa pag-aasikaso sa mga nahuling tauhan ni Don Eliazar. Wala talaga ang hayop na Don, mukhang nakatakas ang kumag. Hindi siya makakapayag na makawala ang hayop na iyon kaya gagawin niya ang lahat para mahanap ito.
Nagpaalam siya sa kanyang mga kasamahan na hahanapin muna si Smile. Maging sa kanyang asawa ay nagpaalam muna siya, pero ang totoo plano din niyang hanapin si Don Eliazar. Ngunit kailangan muna niyang mahanap ang kanyang anak. Hindi lang niya ito natanong kung saan ito patutungo basta ang sabi nito kukuhain nito ang antidote.
Naisip niya na baka sa may baranggay hall ito nagtungo kaya nagpasya siya na doon pumunta. Naging mapagmatyag siya sa paligid at tinalasan din niya ang pakiramdam, hindi nila alam baka may mga nakatakas pang t
