HINDI komportable si Val habang nagmamaneho ng kotse pauwi sa bahay nila. Ramdam pa rin niya ang nakakapasong init sa kanyang katawan. Hindi man halatang nagdadasal si Olivia pero naririnig niya ang taimtim nitong orasyon－na hindi niya maintindihan bakit nagawang pukawin ang devil side niya. Kung hindi siya umalis ay baka hindi niya nagawang kontrolin ang kanyang sarili.
Noon niya napatunayan na may kakayahan si Olivia na labanan ang masasamang elemento at diablong katulad niya. Maaring tama ang tsismis tungkol dito na anak ito ng isang paranormal expert. Maaring naramdaman ng dalaga ang presensiya niya bilang diablo. At ang suot ni Olivia na kuwintas ay tila sumpa na kapag tinitingnan niya ay nanghihina siya.
Hindi niya maipaliwanag ang nangyayari. Simula bata siya ay nanghihina siya s
