ALAS-TRES ng hapon habang nasa laboratory ang buong klase nila Olivia. Abala ang lahat sa kani-kanilang activity. Kasama niya sa grupo si Natalie. Natapos na ang ekspirement nila kaya nakatambay lang sila sa kanilang mesa.
“Hindi ka pa ba lalabas, Olive? Naipasa ko na ang papel natin,” sabi ni Natalie.
“Mauna na kayo. Masakit ang ulo ko. Magpapahinga muna ako,” aniya.
“Sige. Magkita na lang tayo sa classroom.”
Tumango lang siya.
Hindi na niya natiis ang sakit ng ulo niya. Mabuti na lang may dala siyang paracetamol. Uminom siya at umidlip muna habang nakahimlay ang ulo sa mesa. Lumalalim na ang tulog niya nang biglang may bumulong sa kanya.
“Gising…”
Nagmulat siya ng mga mata. Naaninag niya ang bulto ng isang babae na humahakbang palapit sa kanya. Nang makalapit ito ay bigla itong n
