NAGULAT si Olivia nang makita sa kanyang harapan si Elthur. Napaatras siya nang tuluyan itong nakapasok.
“Nasurpresa ba kita, Olivia? Napakabilis mong malinlang,” sabi nito sa baritonong tinig.
“E-Elthur, huwag mong gawin sa akin ‘to,” samo niya, habang patuloy siya sa paghakbang paatras sa kama.
“Matagal na kitang nililinlang. Dapat mong malaman na ang kilala mong Elthur ay matagal nang patay. Ako si Denum, ang iyong ama,” walang paliguy-ligoy nitong sabi.
Nagtagis ang bagang niya. Nawiwindang siya sa natuklasan. “Hindi diablo ang Tatay ko!” giit niya.
“Oo, dahil ginamit ko ang katawan ng lalaking iyon para mabuo ka, pero ako pa rin ang dahilan ng pagkabuo mo kaya dapat mo akong pasalamatan. At sa ayaw mo’t sa gusto, susunod ka sa ipapagawa ko sa ‘yo,” pangahas na sabi nito.
“Hindi
