The Soldier & I
Ai_Tenshi
Part 10: Isla ng Pag mamahal
Mabilis sumapit ang araw ng aming tour. Huwebes noon at alas 3 pa lamang ng madaling araw ay nag tungo na kami sa campus kung saan naroroon ang bus na aming sasakyan patungo sa aming destinasyon. Syempre katulad ng inaasahan, nakahanda na ang seating arrangement sa loob ng bus at kung sino ang aming katabi ay sila na rin ang makakasama namin sa silid kung saan kami mamalagi ng dalawang gabi.
Habang nakapila ako ay maigi kong pinag masdan ang mga reaksyon ng aking mga kaklase, ang iba sa kanila ay excited dahil gusto nila ang kanilang kapareha at may iba naman na halatang dismayado dahil kabaligtaran ito ng kanilang nais. Isa na nga rito si Ed na abot langit ang haba ng nguso habang katabi ang mala dyosang si Patricia na aming miss
