Mahal niya si Michael ngunit bilang kaibigan lamang at alam rin ni Michael ‘yon. Hindi nga niya maintindihan kung bakit bigla na lang nitong tinanong si Nick kung pwede ba siyang ligawan. Pagkatapos nilang mag-almusal, nagpaalam si Meghan na maghanda na sa kanilang pag-alis at binalaan niya si Nick na dapat nakahanda na rin ito sa loob ng isang oras.
Tumango lang si Nick ngunit wala siyang balak na umalis. Nakapasok na siya sa apartment ni Meghan, aalis pa ba siya? Syempre hindi! Hindi siya hangal upang gawin ang bagay na ‘yon.
Isang oras lang ang ibinigay ni Meghan sa kanya kaya nagmadali siyang umakyat sa kanyang silid at kinuha mula sa ilalim ng unan ang kanyang cellphone. Nang makita ang hinanap niya sa Google, muli siyang bumaba at naghanap ng bawang sa kusina. Binalatan niya ito
