Mula sa apartment hanggang Coliseum ay tahimik lang si Nick. Paano kasi, nabisto niya ito kanina. “O ano, bait-baitan ka dyan,” napailing si Meghan habang sinipat ang lalaki. Ang tanda na nito upang gumawa ng kalokohan, ano kaya ang pumasok sa kukute nito kanina?
“Pagkatapos mo akong pakainin ng lugaw, wala akong sapat na lakas upang makipag-away sayo.” Sumagot si Nick ngunit inirapan lang siya ng babae at pagkatapos ay muling nakatuon sa kalsada ang mga mata nito.
Pagdating nila sa Coliseum ay marami ng tao at nahirapan siyang maghanap ng parking space. “Ang tagal mo kasi, hayan tuloy, ang layo ng paking space mula sa Coliseum.” Sinisi ni Meghan ang kanyang kasama ngunit nagkibit lang ito ng balikat.
Magkatabi silang naglakad sa may Sanciangko patungo sa Coliseum. “Hindi ka ba naiinggi
