Naimbyerna ang beauty ni Meghan kaya nagpunta siya sa kusina at kahit bago pa siya nagmeryenda, naghanap siya ng icecream sa freezer. Tuwing may topak siya, ice cream lang ang kadalasan na katapat kaya laging may stocks sa kanila. Kinuha niya ang half galloon ng double dutch at dinala sa mesa.
“Hindi ka ba nabusog sa hotcake at juice?” Tinanong ni Merlie si Meghan nang maabutan niya itong nilantakan ang icecream.
“Mainit ang ulo ko ngayon,” sumagot siya.
“Okay sige, hahayaan na kita diyan. Pero ayusin mo ang sarili mo, naku, ngayon ka pa ba magpapatalo?” Hinamon ni Merlie si Meghan dahil napansin niya na pinanghinaan ito ng loob. Sabagay, sino ba naman ang hindi kung sa pangalawang pagkakataon ay nagdala ng ibang babae si Nick sa bahay.
“Sinong maysabi na magpapatalo ako? No way,” sab
