"Good morning," nakangiting pagbati ni Daimon sa kanya nang magising ito kinaumagahan. Nadatnan siya nito sa may kusina na nagluluto ng umagahan nilang dalawa. Maaga siyang nagising dahil hindi na siya dalawin ng antok kaninang alas kuwatro ng umaga. Napaginipan na naman kasi niya ang kataksilan ng kanyang asawa. Hindi pa rin nawawala ito sa isip niya at nagdulot ng trauma iyon sa buhay niya.
"Good morning din, Daimon. Nakialam na ako sa kusina mo. Nakakahiya naman kasi kung uutusan mo pa si Aling Gorya para lang ipagluto tayo ng umagahan. Isa pa, ayoko naman na wala akong ginagawa dito sa bahay mo. Gusto ko na may maitulong ako sa iyo kahit dito lang sa pagluluto ng pagkain, paglilinis ng bahay at sa paglalaba ng mga damit mo. Isinabay ko na dahil naglaba din ako ng mga damit ko."
Nanla
