Biglang nakaramdam ng lungkot si Khara habang nakatingin kay Daimon na nakaupo sa hagdanan patungo sa garden na nasa gilid ng bahay nito. Kakatapos lamang nilang kausapin si Aling Gorya para siya na ang umukupa sa bankandeng kuwarto sa ladies apartment na malapit lamang sa tirahan nito.
Nalaman niya na mga college students ang karamihan sa mga naroon sa apartment na tutuluyan niya.
Naayos na niya ang mga gamit niya sa kanyang bag na dadalhin na lamang niya roon pagkatapos niyang makapagpaalam kay Daimon.
Umupo siya sa tabi nito habang nakatingin naman ito sa malayo. Mukhang malalim ang iniisip nito. Hindi pa nito napansin ang pag-upo niya.
"Okay ka lang ba?" mahinang tanong niya rito.
"What if, bitawan ko na lang ang career ko? What if, hindi na lang ako maging si Boss D?" malungkot n
