“BAKIT ganyan ka kung makatingin sa akin, babe?” magkasalubong ang kilay na tanong ni Levi sa kanya.
“Nadagdagan na naman pala iyang mga tattoos mo. Hindi na lang sleeves tattoos ang mayroon ka, may mga minimalists tattoos ka na rin sa dibdib mo. Ginagaya mo ba si Daimon?”
Malapad itong ngumiti sa kanya. “Idol ko kasi siya, babe. Isang maliit lang na tattoo ito tapos noong wala na akong magawa dahil bigla kang nawala, dumami na tuloy.” Nagkamot pa ito ng ulo at itinuloy ang pagluluto sa kusina. “Gusto ko pa ngang padagdagan sa likod ko, e.”
“Hindi ko alam kung anong ginawa ko sa Kanya para ibalik ka pa rin niya sa akin,” naiiyak na sabi niya rito. Sa totoo lang hindi na siya umaasa na may magmamahal pa ng tapat sa kanya.
“Babe, hindi ka naman talaga masamang tao. Nararamdaman ko iyon…
