"Kanina ka pa walang imik, a? May nangyari ba sa iyong hindi maganda, bro?" sunod-sunod na tanong sa kanya ni Seth habang nakaupo ito sa tabi niya.
Kakatapos lamang ng kanilang event sa La Union at ala una y medya na ng madaling araw. Masigla naman siyang kumanta sa center stage kanina ng rock music kahit na hindi talaga siya masaya.
"Bro, kung aalis ba ako sa banda... magagalit ba kayo sa akin?" seryosong tanong niya rito.
Napaubo naman si Seth sa kanyang sinabi. "Are you serious, bro?" nanlalaki ang mga matang tanong nito sa kanya.
Nagkibit-balikat naman siya rito at saka bumuga nang malalim. "Gusto ko muna kasing magpahinga sa pagkanta. May ibang bagay kasi akong gustong gawin, bro. Hindi naman ako si superman para pagsabay-sabayin ang mga gusto kong gawin sa buhay ko."
"Nagsisimul
