DALAWANG TAON ang mabilis na lumipas. Nasa tabi ni Khara ang kanyang mag-ama habang nakaupo sila sa labas sa mahabang bench ng rehabilitation center. Katapat nila ang isang chapel.
Nasa kanyang harapan naman sina Lhauve at JayR na naglalaro ng mga binili nilang cartoon characters na mga balloons.
Hinawakan ni Daimon ang kanyang kamay at saka siya nito nginitian. Hinaplos naman niya ang kanyang maliit na tiyan. Dalawang buwan na rin siyang buntis ngayon sa ikalawang anak nila ni Daimon.
“Drei, excited ka na bang makita ang Tita Kat mo?” nakangiting tanong niya sa kanyang anak.
“Ayan na si Katarina, misis ko.”
Tumingin siya sa kinatatayuan ng kanyang kapatid na palapit patungo sa kanya. Malaki ang pinagbago nito sa nakalipas na dalawang taon. Bumalik na sa dati ang katawan nito, nagkaro
