Tahimik lang ang byahe namin ni kuya Timothy, simulang pumasok siya sa kotse niya hindi na siya nagsalita pa. Pero, ramdam ko ang bawat simple at patagong tingin niya sa akin. Pakiramdam ko humahanap lang siya ng tiyempo na magtanong sa akin.
Pinapanalangin kong bumilis ang byahe namin kahit alam kong imposibleng mangyari niyon. Gusto ko ng bumaba sa kotse ni kuya Timothy dahil sa atmosphere na mayro'n ngayon dito.
Napalunok ako dahil sa kabang nararamdaman ko. Nanunuyot na ang lalamunan ko dahil sa nerbyos na nadadama ko.
Naging alerto ako at napa-straight ang pag-upo ko ng marinig ko siyang tumikhim. Syet, magtatanong na ba siya. Please lang kuya Timothy 'wag ka na magtanong.
"Bella,"
Sinasabi ko na nga ba!
Hindi ako lumingon sa kanya. Nakatingin lang ako sa harapan ng kotse.
