Arietta's POV
ILANG araw simula noong inilibing sina lolo at lola ay naging tahimik ang bahay. Napapansin din namin ang laging pagkukulong ni Dada sa work room niya. Sina Tito Franco naman ay bumalik na rin sa France. Mabuti nga at nasa Pilipinas sila noong maaksidente sina lolo kaya naman nakita rin nila ito.
Noong umalis sina Fae ay bumalik ako sa bahay namin dahil wala naman akong ibang makasasama kung hindi ang pamilya ko. Kaya hindi rin ako mapalagay nang makitang walang kabuhay-buhay sa loob ng bahay. Alam ko na nagdadalamhati pa rin ang lahat at nasasaktan ako sa tuwing iniisip ko na hindi man lang ako nakapagpaalam sa kanila ng maayos.
Ganoon talaga ang buhay, may nawawala at may bumabalik.
Ilang araw rin kaming hindi pumasok ni Reed dahil inasikaso namin noon ang libing nina l
