NASA loob ng kotse si Travis Rigor. Abot-tanaw mula doon ang isang funeral homes. Buong akala niya ay makaka-survive si Belinda dahil unti-unti na itong gumagaling. Sa katunayan ay nakuhanan na ito ng mga statement ng mga pulis at tinuro nito si Marvin na nambugbog dito kung kaya na abswelto ang doctor na b-in-lackmail nila. Ngunit sa kasamaang palad ay napag-alaman niya na bigla na lang raw ito inatake sa puso. Sinubukan pang i-revive ng doctor ngunit hindi na nakayanan.
Naging parti ng buhay niya si Belinda. Ilang taon din silang nagsama. Nang malaman niya na wala na ito ay natulos siya sa kinatatayuan. Nakaramdam siya ng sakit. Umaasa siya na malalampasan nito ang lahat para makapagsimula ng panibagong buhay. Batid niya nadala na ito sa mga nangyayari at natikman ang pinakamalaking le
