NATIGILAN sa paglalakad si Jean nang mula sa di-kalyuan ay nakita niya ang pamilyar na lalaki na nakatayo sa waiting shed. Bitbit ang isang basket ng prutas ay mabilis siyang lumapit.
“Donnie?” Nakasuot ng baseball cap ang lalaki at nakayuko pa kaya gusto lang niya makasiguro.
Nagtaas ng tingin ang lalaki kaya ganap niyang nakita ang mukha nito.
“Donnie, ikaw nga!” napatili niyang sabi sabbay yakap dito. “Kumusta? Hindi inaasahan na magkikita pa tayo.”
“Sinadya ko talaga na hanapin ka.” Ngumiti si Donnie. Humawak sa batok na animo’y nahihiya.
Tauhan din ni Travis Rigor si Donnie. Kasama ito sa grupo ni Kevin na um-abduct sa kanya upang patayin ngunit naawa ito sa kanya at tinulungan siyang makatakas.
Hindi malaman ni Jean kung ano ang kanyang mararamdaman. Walang pagsidlan ang saya
