KAILANGAN i-admit ni Jennica dahil bumababa ng husto ang platelet nito. Dengue raw sabi ng doctor. Medyo bumababa na ang lagnat nito pero hindi sila tumitigil sa pagpupunas dito dahil sa takot na baka tumirik na naman ang mata nito.
Salitan sila ni Jean sa pagpupunas. Kagabi pa kasi umuwi ang ina nito dahil walang magbabantay sa nakaratay doon sa bahay. Habang si Angela naman ay alas dos na nang madaling araw nakuwi. Kailangan din kasi nito magpahinga lalo’t papasok pa ito sa opsina. Sinabihan nga niya ito na um-absent at huwag alalahanin ang trabaho pero wala talagang makakapantay sa kasipagan at dedikasyon nito. Papasok pa rin sa opisina kahit tatlong oras lang ang tulog.
Idlip lang ang naging tulog niya. Maliwanag na kasi nang pumayag si Jennica na ilapag sa hospital bed. Kasalukuyan
