TINUPAD ni Travis Rigor ang pangako niya kay Fred na bubusugin niya ito ng pera. Nakapag-transfer na siya ng malaking halaga sa bank account nito kaya mas lalo ito naging masigasig sa pagsunod sa mga pinag-uutos niya.
Bago sila naghiwalay kanina ay inutusan niya ito na paimbestigahan si Mr. Dela Cruz – ang manager niyang nagtaksil sa kanya at pinagnakawan ng malaking halaga ang kompanya niya. Nakarating kasi sa kanyang kaalaman na nakabangon na ito at nakapagpatayo ng restaurant – sa madaling salita ay may kakayahan na itong umupa ng tao na papatay sa kanya.
Kung sakaling mapatunayan niya na ito nga ang sa likod ng pagpatay sa kanya gusto ulit niya na gumapang ito sa lupa. Pababagsakin niya ang negosyo. Kailangan lang niya mag-isip ng paraan kung paano. O hindi kaya buhay din ang magigi
