KABANATA 38:
HIYANG-HIYA talaga ako sa biglang nasabi ko kay Sir Gideon kanina. Nabigla kasi ako, e. Ang lakas niyang mag-isip na pwedeng maging magkarelasyon kami ni Brent. Hindi naman imposible iyon dahil wala namang imposible pero ang bilis lang niyang mag-isip o talagang ganoon lang ang tingin niya sa akin? Ewan ko sa kanya!
Mas lalo pa tuloy akong kinabahan ngayong nag-po-photoshoot na. Paano ba naman kasi, wala naman siyang sinasabi pero ang tingin niya sa amin, parang may lalabas nang kidlat! Kaunti na lang, iisipin ko nang nagseselos siya sa aming dalawa. Pero bakit naman siya magseselos? At anong karapatan niya? O baka ako lang ang nag-iilusyon na grabe siya kung makatingin sa amin. Baka talagang ganyan lang siya kapag sa trabaho, strikto.
“Wait! Bakit parang sobrang dikit nama
