KABANATA 37:
HINDI ako nakasagot sa tanong ni Sir Gideon lalo na nang dumating na si Manager Awra. Ang totoo, palihim kong ginusto na sana ay magkausap pa kami nang mas matagal. Pero para ko lang niloloko at sinasaktan ang sarili ko kung makikipag-usap ako nang matagal sa kanya. Gustuhin ko mang makipag-usap sa kanya, hindi na pwede. May nakaraan kaming dalawa at may asawa na siya.
“Thank you so much, Sir! For the opportunity, see you on the shoot!” masayang paalam ni Manager Awra kay Sir Gideon.
“Thank you too…” Sagot niya saka sumulyap sa akin. “See you. I’m looking forward to working with you Ms. Valerie Morello.”
“Thank you din po, S-sir.”
Nag-iwas na kaagad ako ng tingin sa kanya lalo na at hindi ko gusto ang paraan ng paninitig niya, para siyang may ibig ipakahulugan. Ang totoo,
