Pinuntahan ko si Justin sa ospital nila bago ako didiretso sa opisina ko para daanan ang mga dokumento kay Jake na kailangan ng mga pirma ko. Isa sa mga bodyguard ko sana ang uutusan ko na kumuha ng mga dokumento dahil ayaw kong iwan si Malzia sa bahay namin. Ngunit importante ang sadya ko kay Justin. Kailangan niyang malaman ang napanaginipan ni Malzia. Baka mamaya isa ito para maging daan para makaalala na siya.
Saglit lang naman ako. Hindi naman siguro ako hahanapin ni Malzia lalo na at tulog pa siya nang iwan ko siya sa kwarto namin. Sinabihan ko naman ang mga katulong na bantayan siya at huwag na huwag lulubayan ng paningin. Maging ang mga bodyguard ko na naiwan at security team na nagbabantay sa villa ay sinabihan ko rin na huwag hahayaan na makalabas si Malzia ng villa ng wala akon
