Malayo na ang tinakbo ko mula sa bahay ni Sven. Walang lingon-likod akong tumakbo. Pikit-matang binagtas ang madilim na kakahuyan. Dahil sa matatayog na puno sa paligid na dahilan kung bakit mukhang madilim sa paligid. Salamat na lamang sa mga mumunting sinag ng araw na sumi-silip mula sa itaas ng mga puno kaya kahit papaano ay nakikita ko ang dinadaanan ko.
Masakit na ang mga paa ko at marungis na ako dahil sumasabit ang maluwang kong tshirt sa mga sangang nasasalubong ko habang tumatakbo. Mahapdi narin ang mga balat ko dahil sa mga gasgas na nagmula sa mga sanga. Hinihingal akong napa-upo sa isang malaking puno at napaluha nang makita kong nagdudugo na ang mga paa ko dahil wala akong sapin sa paa nang umalis ako sa poder ni Sven.
Putok ng baril ang nakapagpa-tayo agad sakin mula sa pag
