Unti-unti kong minulat ang mga mata ko. Kumikirot ang ulo ko kaya dinahan-dahan ko ang pagbangon mula sa pagkakahiga. Umupo ako ng maayos at inilibot ang mga mata sa paligid. Hindi pamilyar ang kwartong kinalalagyan ko ngayon.
Inatake ng takot at kaba ang dibdib ko. Mabilis akong tumayo at lumapit sa pintuan, sinubukan kong buksan iyon pero naka-lock ito. Lumapit ako bintanang nandito lang din. Mabilis kong hinawi ang kurtinang makapal at halos manlumo ako nang makitang may rehas na bakal ang mga bintana. Ano bang nangyayari? Bakit nandito ako? Paano akong napunta dito?
Bumalik ulit ako sa pintuan at kinalampag ko iyon ng malakas. "Sino nandyan?! Buksan nyo itong pinto please!" Isang kalampag pa ang ginawa ko bago narinig ang pag-click sa doorknob. Umatras ako nang bumukas ang pintuan at
