PAGKATAPOS ng hapunan ay hindi napigil ni Camilla si Charlie na puntahan ang pantalan. Dapat ay matutulog pa sila kaso ayaw na tumigil ng bata kakaungot sa tatay na makasakay ng yate.
Mataas pa ang araw at masakit sa balat ang sikat nito pero naglakad na sila patungo sa pantalan. Naroon pala ang tatlong yate na pag-aari ni Vladimir. May mas malaking pantalan doon kung saan ibinababa ng cargo vessel ang mga imported vehicles mula sa ibang bansa. Sobrang laki pala ng auction ni Vladimir.
“Ang yaman pala talaga ni Vladimir, ano? Sariling negosyo ba niya ito o namana sa parents niya?” usisa niya nang makasampa sila sa maliit na yate pero maganda.
“It’s his own investment. Walang namana si Vladimir mula sa parents niya dahil broke din noon. Ang lolo niya ang mayaman. Umaasa lang din ang dad
