PAGDATING sa rest house ni Vladimir ay tumakbo na patungong dagat si Charlie. Naghubad na ito ng pajama at kamiseta.
“Sundan mo ang bata, Chase,” ani Camilla.”
“Paano ang gamit?” anito.
“Ako na ang maghakot. Tutuluong naman ang driver.”
“Okay. Just call me if you need help.” Tumakbo na ito at sinundan si Charlie na nagtatampisaw na sa tubig dagat.
Nabuksan na ni Chase ang main door ng dalawang palapag na bahay kaya pumasok na siya. Pinaubaya na niya sa driver at isang bodyguard ang ibang gamit. Malawak din ang lobby ng bahay at may mga gamit pero nababalot ng itim na tela. Mukhang matagal na hindi nabisita ang bahay.
Dumiretso siya sa kusina. Kumpleto rin ang gamit dito. Pina-on lang niya sa bodyguard ang plangka ng kuryente at tangke ng tubig. Maalikabok sa bahay kaya nagpunas muna
