KINABUKASAN ng madaling araw ay naunang nagising si Camilla. Ang usapan nila ni Chase ay alas-kuwatro sila aalis para hindi traffic at mas mahaba ang oras ng gala nila.
Nag-alangan siyang gisingin ang binata dahil mahimbing ang tulog at nakayakap pa rito si Charlie. Parehong nakanganga ang mag-ama. Bumangon na lamang siya at nagbihis. Mabilis namang kumilos si Chase kaya ayos lang kahit saka na niya gigisingin kung handa na lahat ng gamit.
Paglabas niya ng kuwarto ay halos mapalundag siya sa pagkagulat. Namataan kasi niya si Yoshin na nakaupo sa couch sa may lobby at may hinihigop sa tasa.
“What’s the matter?” he asked coldly.
“Uh…. you scared me,” she said.
“It’s time to leave. Is Chase up?”
“Tulog pa si Chase. Mamaya ko na siya gigisingin kapag ready na ang kailangan. Magluluto lan
