NAKA-ILANG dial na si Chase sa numero ni Camilla ngunit hindi ito sumasagot. Kausap niya ang tiyahin ni Ricci nang tumawag ito kaya hindi niya nasagot. He was driving on the way to Makati, but he started to feel panic.
Alas-sais na ng hapon at madilim na, matindi pa ang traffic papasok ng Maynila. Mayamaya ay si Marlon ang tumawag sa kan’ya. Dagli niya itong sinagot.
“Ano, nakauwi na ba kayo? Nabasa mo ba ang mensahe ko? Sabi ko mag-taxi na muna kayo ni Camilla,” aniya.
“Boss, may nangyari!” eksaheradong batid ni Marlon.
Kumabog na ang kan’yang dibdib. “Ano’ng nangyari? Nasaan kayo?”
“Narito pa ako sa ospital. May nangyari sa loob at hindi ako makapasok. Nawalan ng ilaw sa loob ng ospital. Kanina kausap ko lang si Ma’am Camilla at sabi niya palabas na siya. Pero hindi ko na siya maki
