“ANO’NG pakulo ito, Chase?” nanghihinang tanong ni Camilla nang makaupo sa silyang hinila ni Chase.
“I don’t have time para magpakulo. It’s simple. I’m taking care of you. Late ka na nagising at alam ko na wala kang nalutong baon mong lunch,” anito. Umupo na rin ito sa tapat niya at inilabas sa bag ang dalang pagkain.
“Akala ko ba may pupuntahan ka?”
“Mamayang gabi pa ako aalis papuntang Subic Bay. I need to monitor your father’s location to find a safe place to meet him.”
“Nasaan na ba ngayon si Daddy?”
“He’s somewhere in Manila. May hinahanap pa ata siya.”
Inilapit nito sa kan’ya ang babasaging Tupperware na tatlong patong. May tumbler din itong kasama na orange juice ang laman. Isang hita ng manok na merong lemon at kung anong herbs ang ulam, my side dish ding ginisang gulay. Mar
