SAKA lang nilingon ni Camilla si Herald kung kailan nakalayo na ito sa kan’ya. May pumasok na nurse na lalaki at nagbigay ng record ng pasyente kay Herald. Hindi maalis ang curiosity niya hinggil sa sinabi ni Herald tungkol sa peklat nito sa kaliwang dibdib. His answer has a deep meaning, kaya siya napapaisip.
Hanggat nakikita ni Camilla si Herald ay hindi mawaglit sa isip niya ang tattoo nito. Hindi siya sa tattoo na-curious, kundi sa peklat na tila bakas ng surgery.
Pagkatapos ng surgery ay naunang lumabas ng OR si Camilla. Dala niya ang record ng pasyente sa station ng department nila.
Nag-update siya ng record saktong naroon si Lessel, may nai-forward na record ng bagong pasyente.
“Uy, anyare kay Rowela?” usisa nito.
Binalikan tuloy ng kan’yang isip ang nangyari sa canteen. Tinubu
