“DON’T worry, Camilla. I assigned two agents and snipers to follow your father. May suot din siyang prosthetic mascara,” sabi ni Chase.
Napanatag si Camilla dahil sa sinabi ni Chase. Sumagot na rin sa tawag niya ang kan’yang tiya.
“Hello, Tita. Kumusta na po?” tanong niya sa tiyahin.
“Hay! Ewan ko ba sa tatay mo! Ang tigas ng ulo!” ani Solidad buhat sa kabilang linya.
“Ano na naman po ba ang binabalak niya? May usapan na nga kami, eh.”
“Eh, tumawag daw kasi ang isang agent niya na nakatakas at sinabi na kung hindi raw siya magpapakita, papatayin ng dating kaalyado niya ang pamilya niya. Malamang kasama na ako at kayo ng mommy mo. Nag-report na ako sa mga pulis kaya hindi na puwedeng bumalik dito ang daddy mo, Camilla. Hindi na ako makahinga sa nerbiyos!”
“Relax ka lang, Tita. Kami na
