LATE na sa duty si Camilla kinabukasan kaya napalitan siya sa OR. Halos half-day na lang ang magiging duty niya. Hindi kasi niya naiwan kaagad si Charlie na nagka-LBM. Inasikaso pa niya ang bata at hinatid sa bahay nila Vladimir. Si Annie kasi ang may gusto na doon muna ang bata. Ibabalik din nito sa hapon si Charlie.
Bumuti rin ang pakiramdam ni Charlie matapos makainom ng gamot. Dahil late na, sa OPD ulit siya naka-assign. Marami silang pasyente at halos matatanda kaya todo assist na rin siya sa mga ito. Nakatoka siya sa mga senior at mahirap kausapin lalo’t ang iba’y mahina na ang pandinig.
Pagsapit ng lunch time ay lumabas siya ng ospital kasama si Lessel. Pareho kasi silang walang baong pagkain.
“Akala ko hindi ka papasok, eh. Nagpunta ako kanina sa cardiology department kaso wala
