KUMULO na ang dugo ni Camilla dahil sa pagpunit ni Chase sa picture nila ni Nico. Ang galing ng pagpunit nito, talagang humiwalay sila ni Nico sa picture. Kinuyumos nito ang parte ni Nico pero itinabi ang sa kan’ya.
“Paano ka makapag-move on niyan kung nagtatago ka ng alaala ng ex mo? Ikakasal na ‘yong tao, magkakaanak na. Ano pa ang habol mo?” ani Chase, pumalatak na rin.
Hindi siya nakapagpigil at nakurot sa tagiliran ang binata. “Sinabi ko bang umaasa pa ako? Hindi por que wala nang pag-asa kami ni Nico, wala na ring silbi lahat ng alaala! Some memories need to be saved to heal the innocent pain,” aniya.
“Anong innocent pain?” amuse nitong untag.
“Iyong hindi sinadyang magkasakitan kami dahil sa kagagawan ng makasariling taong kagaya mo! Maaayos pa sana namin ang problema!”
“Don’t
