UMINIT na naman ang ulo ni Camilla nang mabasa ang mensahe ni Chase. Wala nga ito sa ospital, alam niya na may spy itong nakamasid sa kan’ya.
Chase: “I’m not around but I can see you, baby.”
“May sayad na talaga ang taong ‘to!” maktol niya habang naglalakad sa pasilyo papasok ng locker room.
Napa-paranoid na siya. Kung sino-sinong staff sa ospital ang pinaghihinalaan niya na baka isa sa spy ni Chase. Pati ibang batang doktor at bagong nurses pinaghihinalaan niya. Hindi tuloy siya makapag-focus sa trabaho.
“Okay ka lang ba, Camilla?” tanong ni Rowela.
Kasabay niya itong kumakain ng tanghalian sa canteen pero halos hindi niya ramdam ang presensiya.
“Medyo,” tipid niyang tugon.
“Kanina pa kita napapansing uneasy. May problema ka ba?”
“Wala. Stress lang ‘to.”
“Wala kang problema per
