NAGMAMADALING umalis ng ospital si Camilla pagkatapos ng kaniyang duty. Tumawag kasi ang kaniyang tiya at sinabing hindi pa nakauwi si Charlie. May feeding umano sa school at ibang activity kaya hindi pa pinauwi ng teacher ang mga bata. Nag-text na siya kay Katya na pupunta siya sa school para sunduin ang mga ito pero walang sagot.
Mabuti naunang umalis sa kaniya si Herald. Hindi rin niya nakita si Chase sa ospital. Ngunit pagdating niya sa labas ng ospital ay may itim na namang kotse na humarang sa kan’ya. Ito pa rin ang kotse noong nakaraang araw na ginamit ng agent ni Chase.
Iiwas sana siya ngunit biglang bumaba ang lalaki, ibang mukha naman. Nagulat siya nang buksan nito ang pinto ng kotse sa backseat. Nakasakay roon sina Charlie at Katya.
“Mommy!” excited na sambit ni Charlie.
“Te
