PINAGBIGYAN ni Camilla si Chase na samahan sa kuwarto nito si Charlie hanggang makatulog. Isiniksik nito ang sarili sa maliit na kama ni Charlie para lang matabihan ang bata at may tula pang nalalaman.
“Ano ba ang plano mo, Chase?” tanong niya habang nakapamaywang. Katatapos lang niya maglampaso ng sahig sa kuwarto ni Charlie.
“Aalis rin ako mamaya. Patutulugin ko lang si Charlie. Gusto niyang kuwentuhan ko siya,” sabi ni Chase.
“Dapat lang. Hindi puwedeng magtagal ka rito. Nagmamasid ang tao ni Daddy. Kahit naka-disguise ka papasok dito, magdududa pa rin ang mga ‘yon kasi hindi ka na lumabas,” aniya.
“You’re harsh to me, Camilla. Kailan mo ba ako luluwagan sa pagbisita sa anak ko? Palagi mo na lang akong inuorasan.”
“Kasi kung magtatagal ka rito, dinadamay mo ako sa pambulabog!”
“I
