NAKAPAGPAHINGA rin si Camilla matapos maasikaso ang pasyenteng matanda na makulit at maharot. Ayaw siya nitong ireto kay Chase at si Herald daw ang bagay sa kan’ya. Inabot na siya ng lunch break sa OPD.
“Let’s eat, Camilla!” paanyaya ni Chase. Naghihintay na ito sa labas ng station.
“Sandali,” aniya.
Nang tumayo siya ay biglang lumapit si Herald at may inabot na reseta ng tatlong pasyente na nasa surgery ward.
“Iyang isang pasyente na ooperahan mamaya, pakisabi sa relatives na kailangan mabili kaagad nila ang gamot para maiturok sa pasyente bago ang operasyon,” sabi ni Herald.
“Yes, Doc! Ibibigay ko na po ngayon bago mag-break,” aniya.
“Thanks.” Kaagad ding umalis si Herald. And he’s cold as ice.
Lumabas na siya ng station dala ang mga reseta na ibibigay sa pasyente. Sumama na sa k
