UMALIS din si Annie kasama ang anak nito pagkatapos ng hapunan. Hinatid ito ng driver nila sakay ng kotse kahit malapit lang. Naiwan si Vladimir dahil umano may meeting at paplanuhin na ng mga ito ang pag-atake sa headquarters ng organisasyon ng daddy niya.
Pinapasok ni Camilla si Charlie sa kuwarto nila sa second floor at pinanood sa laptop. Pinagliban muna niya ang pag-aayos sa kuwarto ni Charlie dahil gusto niyang makiusyoso sa plano ni Chase. Gusto niyang matiyak na hindi masasaktan ang tatay niya.
Nasa labas na ang tatlong lalaki, nakaupo sa tapat ng round table sa may gilid ng swimming pool. May pinagsasaluhang red wine ang mga ito. Lumapit siya at umupo sa tabi ni Chase.
“Bakit narito ka?” kunot-noong tanong ni Chase.
“I want to ensure that my Dad won’t get hurt,” she said. Tumi
