NAPAHINTO sa tapat ng glass door si Camilla nang mamataan niya sina Chase at Herald na seryosong nag-uusap sa loob ng washroom. Umatras na lamang siya at hinintay na makalabas ang mga ito.
Naunang lumabas si Herald at tila hindi siya nakita. Nilapitan nito ang nurse na lalaki. Saka lang siya pumasok sa washroom at naghugas ng mga kamay sa lababo. Sinipat niya si Chase na naghahalungkat sa handbag nito.
“Ano’ng problema, Chase?” hindi natimping tanong niya sa binata.
“Nothing,” tipid nitong turan. Nagsusulat na ito sa prescription booklet.
“Babalik na ako sa station at kailangan kong ma-update ang record ng pasyente. Ibigay mo na lang sa akin ang reseta mo at ibang detalye para maidagdag ko sa record,” aniya.
Walang imik ang binata kaya iniwan na niya. Dinaanan niya sa labas si Herald
