RAIDEN POV.
HABANG nagpapagaling ako sa aking tinamong mga sugat ay may napapansin ako kay Chloe. Parang malaki ang ipinayat niya at kakaiba din ang kanyang kilos. Hindi kagaya noong hindi pa kami napupunta sa lugar na ito.
Sa ilang linggo na hindi ko siya nakikita ano kaya ang kanyang mga pinagkakaabalahan? Hindi ko naman siya magawang tanungin dahil alam kong hindi siya magsasabi ng totoo.
Kasalukuyan akong nakatayo sa labas ng makita ko ang ilang guard ng isla na galing sa dalampasigan. Inunahan ko na sila ng pagbati at sumagot naman sila sa akin. Ngunit pagkatapos n’on ay tuloy tuloy na silang pumasok sa loob. Siguro umiiwas makipag-usap sa kahit sino at nauunawaan ko naman kung bakit. Pero may gusto akong malaman kaya sumunod pa rin ako sa kanila. Nakita kong may mga ginagawa sila
