JANINA'S POV
"Kaya mo bang magpunta doon, anak?" tanong ni nanay ng may pag-aalala.
"Oo naman, 'nay. Madali lang mag-commute," sagot ko kahit pa alam ko kung ano ang ibig niyang sabihin sa tinuran niya. Bumuntong hininga siya at inabot ang kamay ko.
"Ilang taon na din naman na ang nagdaan, 'nay, at ilang taon ko na ding hindi nadadalaw si Angelo. Dadaan ako do'n bago tumuloy kina Tessa," tugon ko.
"Gusto mo bang samahan kita? Uuwi din ako pagkatapos nating dalawin si Angelo," aniya. Umiling ako.
"Ayos lang po ako, 'nay. Kung inaalala niyo na baka mawala na naman ako sa sarili ko, hindi po iyon mangyayari."
Birthday ngayon ni Tessa at noong nakaraan pa niya ako sinabihan. Kamuntik ko pang makalimutan kanina, buti na lang at tinawagan niya ako. Halos wala pa akong tulog pero hindi
