JANINA
Nagsuot ako ng cap bago ako lumabas ng bahay. Kailangan kong magpunta ng Mercury drug, may isang kilometro mahigit ang layo mula dito sa amin.
Maliksi akong naglakad para makarating at makauwi agad. Inaatake na naman kasi si Jonna ng hika, iniwan ko sila ni nanay na nagpapausok sa nebuliser niya.
Iisa na lang ang stock ng salbutamol at mga gamot na iniinom niya kapag sinusumpong siya ng hika at iyon ang ginagamit niya ngayon. Kailangan kong bumili ng pang-isang linggong stock niya ng Nebuliser solution, cetirizine at Montelukast para gumaan ang pakiramdam niya.
Sinabi ko kay nanay na dalhin na lang namin siya sa ospital pero tumanggi si Jonna. Hindi naman daw gano'n kasakit sa dibdib, kinakapos lang daw siya ng hangin at makati ang kaniyang lalamunan.
Mas lalo ko tuloy naisi
