Collin POV
Nagising ako kinaumagahan na masakit ang ulo. Hindi ko alam kung paano ako nakarating dito dahil ang huling naalala ko ay nasa bar area ako hanggang sa tuluyan akong igupo ng alak.
Nakakabingi ang katahimikan ng paligid at tila tukso na nakikita ko si Irish sa bawat sulok ng silid ko.
Matapos maligo at magbihis ay lumabas ako ng silid at bumaba ng hagdan. Nakahanda na ang almusal sa hapag kainan pero tanging kape lamang ang nagawa kong inumin dahil kahit simpleng paglunok ng sariling laway ay halos hindi ko magawa sa tindi ng emosyon na bumabalot sa pagkatao ko.
Tinawagan ko si Felix pero wala akong nakuhang sagot na magpapagaan sa loob ko. Hindi umano nila natagpuan si Irish, sinuyod na rin daw nila ang kabundukan pero wala silang makuhang kahit bakas nito.
Natatakot ak
