Irish POV
Tatlong linggo pa ang mabilis na lumipas. Araw-araw akong mag-isa dito sa loob ng silid namin ni Collin. Walang araw na para akong pinapatay ng sobrang pag-iisip. Hindi ko na rin napigilan na 'wag magtanong kay Felix ng minsan na makita ko ito habang kinakausap ang lahat ng mga tauhan sa mansyon.
Naging mahigpit ang security measures sa buong bahay matapos iyon. Maraming dagdag na armadong tauhan ang nakabantay sa buong lugar.
Pakiramdam ko ay ginawa iyon ni Collin para hindi ako makatakas habang wala ito. Hindi ko alam kung ano talaga ang nangyayari sa paligid dahil wala rin naman akong mapag-tanungan maliban kay Ate Mohana at Lily na tulad ko ay mga wala rin umanong alam.
Sinubukan kong alamin kung nasaan si Collin dahil sa matinding tension na ang bumabalot sa akin simul
