Amber’s POV
“Levi, w—wait.” Pinilit kong mapahinto siya lalo pa at patuloy lang ang paghila niya sa akin palabas nitong VIP section. Pansin ko na rin ang unti—unting paglakas ng tunog ng musika na alam kong ilang hakbang ko na lang ay makakarating na ako sa dance floor.
Nakatingin na sa aking mga mata si Levi nang bumaling ako rito. Kapansin—pansin ang kakaibang tingin nito sa akin ngunit pilit kong huwag muna iyong bigyan ng kakaibang kahulugan.
“Levi, k—kasi nasa loob si Luke. Iyon kasi ang sabi niya sa sulat,” mabilis kong wika sa kaniya habang sinubukan ko pang bawiin ang kamay ko mula sa kaniyang mga kamay ngunit hindi ko na magawa dahil sa higpit ng pagkakahawak niya rito.
Ngumiti siya saka umiwas ng tingin sa akin. “Kung naroon ang kaibigan ko, bakit papasok ka ba?” tanong nit
