•CHARM POV•
Napamura si Adam at marahas na ibinalibang si Atiyah sa tubig na ngayon ay dumadampi na sa aking paa. Mataas na ang tubig ng dagat hindi na tulad ng kanina. Napahiyaw si Atiyah at nagpagulong gulong sa maalat na tubig. Mabilis akong nilapitan ni Adam at hinawakan sa palapulsuhan.
"Charm!" Napalingon kami kay Goss na patakbong papalapit sa amin habang hawak ang isang baril. Napahawak ako sa dibdib ko, bumalik sa aking isip ang oras na walang habas na binaril n'ya si Kreng. Dumaloy ang kaba at takot sa buo kong sistema. Hindi malalayong gawin n'ya sa rin sa amin ang ginawa n'ya kay Kreng.
Mas lalong napamura si Adam sa nakitang hawak ni Goss. Wala kaming kahit na anong armas na p'wedeng ipanlaban sa kanila. Luging lugi kung tutuusin lalo pa ngayong dalawa na sila.
Nagulat
