Nilamukos ko ang mukha ko at umupo ako sa sofa. Bigla kasing nanlambot ang tuhod ko pagkatapos kong makipag-usap kay Ramil. Kung pwede lang liparin ang lugar na kinaroroonan ni Mommy ay kanina ko pa ginawa para lang makasiguro akong ligtas siya. Hindi ako sweet na anak at alam kong iniisip ni Mommy na wala akong pakialam sa kanya. Ngunit ang hindi niya alam ay halos masira na ako ng ulo sa labis na pag-aalala sa kanya.
Para kaming may party ngayon ng mga kaibigan ko dahil halos kumpleto kami ngayon. Lahat sila ay nagbigay na ng kanilang opinyon sa nangyayari. Dumating din si Daddy at sa unang pagkakataon ay magkasama ngayon ang dalawang lalaki na minahal ni Mommy para magtulungan at iligtas sila.
"Oh, bakit nakatingin ka pa rin sa cellphone mo? Hindi lalabas diyan ang Mommy mo kaya 'wag
